Lómagnúpur 30.maí 2026 kl.06:00 – 22:00

Lómagnúpur 30.maí 2026 kl.06:00 – 22:00

Einstaklega skemmtileg ganga enda Lómagnúpur með tignarlegri fjöllum landsins og gangan kemur verulega á óvart. Gönguleiðin er í heildina ekki mjög erfið, en hún er alllöng og reynir vel á úthaldið, rúmlega 19 km og það má alveg reikna með rúmum 8 klst eða eftir aðstæðum eins og gefur að skilja. Byrjunarhæðin er í um 80 m og hæsti toppur er 794 m á miðju fjallinu. Uppsöfnuð hækkun fer yfir 1000 m. Útsýnið er stórkostlegt og sannarlega mögnuð upplifun ofan af fjallinu og þá ekki síst af syðsta hluta þess.

30.maí 2026 Lómagnúpur

Hæð: 794

Gönguvegalengd: 19 km

Göngutími: 8 klst

Gönguhækkun: 1000 m

Brottför: Mæting kl. 09:00 við Lómagnúp, póstur kemur þegar nær dregur að göngu.

Við viljum benda á, og í raun mæla með að fólk gisti t.d á Hótel Laka við Kirkjubæjarklaustur eða í næsta nágrenni svo stuttur akstur sé að upphafsstað göngu. Frá Kirkjubæjarklaustri er aðeins tæplega 1 klst akstur að Lómagnúpi.

Breytingar vegna aðstæðna og veðurs: Við munum fyrst og fremst horfa til veðurs og aðstæðna á svæðinu. Þess vegna áskiljum við okkur rétt til að gera breytingar og hnika ferðinni í samræmi við það til að göngufólk fái sem mest út úr göngunni. Sunnudagur er því alltaf varadagur og mikilvægt að göngufólk geri ráðstafanir vegna þess.

Erfiðleikastig: 3

Verð: 19.900,-kr

Staðfestingargjald: 9.900,-

Ferð fullgreidd fyrir: 1.maí 2026

kt. 531184-0849
0111-26-501696